सामग्री खोज्नुहोस्

टोकियो । सर्वोच्च अदालतले ११ देशका राजदूतहरू फिर्ता गर्ने मन्त्रिपरिषद्को निर्णयमाथि अन्तरिम आदेश जारी गरेपछि जापानका लागि नेपाली राजदूत डा. दुर्गाबहादुर सुवेदीको बिदाइ कार्यक्रम स्थगित गरिएको छ ।

सर्वोच्च अदालतले जापानसहित ११ देशका राजदूत फिर्ता गर्ने सरकारको निर्णय तत्काल कार्यान्वयन नगर्न आदेश दिए राजदूत सुवेदीको बिदाइ कार्यक्रम स्थगित गरिएको गैरआवासीय नेपाली संघ (एनआरएनए) जापानका अध्यक्ष रविन शर्माले जानकारी दिएका छन् ।

एनआरएनएले नोभेम्बर ३० का लागि राजदूत सुवेदीको बिदाइ कार्यक्रम राखेको थियो ।

‘सर्वोच्च अदालतको आदेशअनुसार जापानस्थित नेपाली राजदूत डा. दुर्गाबहादुर सुबेदीज्यूको बिदाइ कार्यक्रम हाललाई स्थगित गरिएको छ। यसबारे सबै अतिथि, संघ–संस्थाका प्रतिनिधि तथा नेपाली समुदायका सदस्यहरूमा बुझाइका लागि अनुरोध गर्दछौं,’ शर्माले जारी गरेको सूचनामा भनिएको छ ।​

अन्य निर्धारित कार्यक्रमहरू भने तोकिएकै समय र स्थानमा यथावत् सञ्चालन हुने एनआरएनए जापानले स्पष्ट पारेको छ ।