सामग्री खोज्नुहोस्

एजेन्सी । गाजामा अझै बेपत्ता अवस्थामा रहेको भनिएका १९ जना बन्धकको अवशेष खोज्न सहयोग गर्ने टर्कीको रक्षा मन्त्रालयले जानकारी गराएको छ । यसका लागि ८१ जना विपद् राहत विज्ञलाई गाजातर्फ पठाइएको छ ।

‘उनीहरूले अहिलेसम्म बेपत्ता रहेका १९ जना बन्धकको अवशेष फेला पार्न मद्दत गर्नेछन्,’ रक्षा मन्त्रालयको स्रोतले जानकारी दिएको छ, ‘त्यहाँ पहिले नै ८१ जना एएफएडी कर्मचारीहरूको टोली छ ।’

विपद् व्यवस्थापन प्राधिकरण (एएफएडी) टर्कीको गृह मन्त्रालय अन्तर्गत एक निकाय हो ।

एएफएडीले भनेको छ, ‘प्राधिकरणले मानवीय सहायता पुर्‍याउने, मृतकको अवशेष खोज्ने र युद्धविरामको अनुगमन गर्ने छ।’

टर्कीको सैन्य बल संलग्न हुन सक्छ कि भनेर सोधिएको प्रश्नमा स्रोतले भन्यो, ‘एएफएडी जस्ता नागरिक संस्थाहरूको काम बढी हुनेछ, तर सिद्धान्तमा सेनाले आवश्यक परेमा मद्दत गर्न सक्छ।’