सामग्री खोज्नुहोस्

एजेन्सी । इजरायली सेनाले गाजा जाने सहायता फ्लोटिलामा रोकेपछि खबरदारी गर्ने २० जनाभन्दा बढी विदेशी पत्रकारलाई इजरायलले गिरफ्तार गरेको भन्दै रिपोर्टर्स विदाउट बोर्डर्सले निन्दा गरेको छ । यसले सूचनाको स्वतन्त्र प्रभाहका लागि पत्रकारहरूलाई तत्काल रिहाइको आह्वानसमेत गरेको छ ।

विज्ञप्तिमा पेरिस स्थित मिडियाले गत महिना गाजाका लागि यात्रा गरेको फ्लोटिलामा २० जना भन्दा बढी विदेशी पत्रकारहरू रहेको बताएको छ, जहाँ संयुक्त राष्ट्र सङ्घले अनिकाल भइरहेको बताएको छ ।

पत्रकारहरूलाई बुधबारदेखि बिहीबारको बीचमा पक्राउ गरिएको र कार्यकर्ताहरूलाई गाजातर्फ लिएर गइरहेका डुङ्गाहरूलाई रोकेको आरएसएफले जनाएको छ ।

करिब ४०० भन्दा बढी मानिस बोकेका जहाजहरूलाई गाजा पट्टीमा पुग्नबाट रोकिएको एक इजरायली अधिकारीले बताएका छन् ।

पत्रकारहरूलाई पक्राउ गर्नु र उनीहरूलाई काम गर्नबाट रोक्नु सूचना दिने र सूचित हुने अधिकारको गम्भीर उल्लङ्घन भएको आरएसएफका प्रमुख मार्टिन रौक्सले बताएका छन् ।