Kyodai News

एजेन्सी । ताइवानमा कम्तीमा १४ जनाको मृत्यु र १२४ जना बेपत्ता बनाएको एउटा शक्तिशाली आँधी दक्षिण चीनको हङकङ, सेन्जेनलगायत शहरतर्फ प्रवेश गरेको छ । आँधीले फिलिपिन्स र ताइवान पार गर्दै लाखौंलाई विस्थापित गरेको छ।

मंगलबार ताइवानको ह्वालियन काउन्टीमा ताल फुट्दा १२ जनाको मृत्यु र सयभन्दा बढी बेपत्ता भएका छन् ।

हङकङमा १६८ किलोमिटर प्रतिघण्टासम्मको हुरी चलेको छ, समुद्री छालले सडक र होटल डुबाएको छ।

हङकङ र मकाउमा उच्च सतर्कता जारी गर्दै विद्यालय, कार्यालय र यातायात बन्द गरिएका सीएनएनले जनाएको छ।

मौसमविद्हरूका अनुसार केही क्षेत्रमा ४ मिटरसम्म समुद्री छाल आउन सक्ने चेतावनी दिइएको छ।