सामग्री खोज्नुहोस्

एजेन्सी । प्यालेस्टिनी विद्रोही लडाकु हमासले विपिन जोशीसहित ४८ जना बन्धकको ‘बिदाइ तस्वीर’ भन्दै एक फोटो सार्वजनिक गरेको छ ।

शनिबार सार्वजनिक गरिएको उक्त तस्वीरमा नेपालका विपिन जोशीको पनि फोटो छ । 

हमासको कसाम ब्रिगेड्सले सार्वजनिक गरेको फोटोमा उनीहरूको अवस्था र विस्तृत विवरण खुलाइएको छैन । 

इजरायलले गाजा क्षेत्रमा सैन्य आक्रमण तीव्र बनाइरहेको अगाडि बढिरहेको बेला बन्धकहरूको जीवन जोखिममा रहेको भन्दै हमासले बिदाइ तस्वीर सार्वजनिक गरेको हो ।

सार्वजनिक तस्वीरमा रहेका सबैको नाम ‘रोन आराद’ लेखिएको छ । जो सन् १९८६ मा लेबनानमा हराएका इजरायली वायुसेनाका क्याप्टेन हुन् ।​

हमासले सार्वजनिक गरेको उक्त तस्वीरसँगै जारी गरिएको वक्तव्यमा भनिएको छ, ‘नेतन्याहुको अस्वीकार र जमिरको आत्मसमर्पणका कारण गाजा सिटीमा सैनिक कारबाही शुरू हुने बेला एउटा बिदाइ तस्वीर ।’