सामग्री खोज्नुहोस्

काठमाडौं । पूर्वप्रधानन्यायाधीश सुशीला कार्की नेपालको प्रथम महिला प्रधानमन्त्री नियुक्त भएकी छिन् ।

उनलाई राष्ट्रपति रामचन्द्र पौडेलले शुक्रबार नेपालको संविधानको धारा ६१ बमोजिम प्रधानमन्त्रीमा नियुक्त गरेका हुन् ।

जेन्जी पुस्ताको आन्दोलनपछि केपी शर्मा ओलीले प्रधानमन्त्रीबाट राजीनामा दिएपछि कार्कीलाई प्रधानमन्त्रीमा नियुक्त गरिएको हो ।

कार्कीले पद तथा गोपनीयताको शपथ समेत लिइसकेकी छिन् ।

राष्ट्रपति कार्यालय शीतलनिवासमा आयोजित एक कार्यक्रमका बीच कार्कीले शपथ लिएकी हुन् ।​

जेनजी पुस्ताले भदौ २३ र २४ गते गरेको प्रदर्शन भएको थियो । यही विरोध प्रदर्शनपछि नयाँ चुनावी सरकारको कोर्समा देश अगाडि बढेको हो ।

७३ वर्षीया कार्की मुलुकको पहिलो महिला प्रधानमन्त्री बनेकी हुन् ।

उनी २०७४ जेठसम्म १४ महिना सर्वोच्च अदालतको प्रधानन्यायाधीश बनेकी थिइन् ।