सामग्री खोज्नुहोस्

एजेन्सी । इरानका विदेशमन्त्री सेयद अब्बास अराघचीले अन्तर्राष्ट्रिय आणविक ऊर्जा संस्था (आईएईए)सँग सकारात्मक र सार्थक छलफल भइरहेको जानकारी दिएका छन् ।

‘हामीले आशाजनक वार्ता गरेका छौं र सहकार्यका नयाँ आधार तयार पार्नका लागि धेरै बाँकी छैन,’ उनले भने, ‘हाम्रो लागि यस्तो सहकार्य महत्त्वपूर्ण छ, जसले राष्ट्रिय स्वाधीनता र संसदद्वारा पारित कानूनी मापदण्डहरूलाई सम्मान गर्नेछ ।’

संयुक्त राज्य अमेरिकासँग सम्भावित वार्ताको विषयमा उनले भने, ‘मध्यस्थमार्फत सन्देशहरूको विनिमय भइरहेको छ । जबसम्म अमेरिकाले आपसी सम्मान र साझा हितमा आधारित वार्ताका लागि तयार रहेको देखाउँछ, हामी पनि वार्ता शुरू गर्न तयार हुनेछौं ।’

इरान र अमेरिकाबीच वार्ता पूर्व निर्धारित मितिमा ओमानमा हुन लागेको थियो, तर इजरायलको हवाई आक्रमणपछि त्यो स्थगित भएको थियो ।

पछि अमेरिकाले पनि इरानका आणविक स्थलहरूमा आक्रमण गरेको थियो ।