सामग्री खोज्नुहोस्

एजेन्सी । अफगानिस्तानको दुर्गम, पहाडी क्षेत्रमा शक्तिशाली भूकम्पमा परी मृत्यु हुनेको सङ्ख्या ८०० नाघेको छ । भूकम्पमा परी दुई हजारभन्दा बढी मानिस घाइते भएका छन् ।

भूकम्पको कम्पन अफगानिस्तानको काबुलदेखि पाकिस्तानको इस्लामावादसम्म महसुस गरिएको छ ।

आइतबार मध्यरात करिब पौने १२ मा गएको ६.० म्याग्नीच्यूडको भूकम्पका कारण मध्यरातमा र पहाडी क्षेत्रमा रहेका कच्ची घरहरू भत्किएपछि सुतेका परिवारका सयौं सदस्य हताहत भएको सोमबार जनाइएको छ ।

भूकम्पको केन्द्रविन्दु जलालाबादबाट करिब २७ किलोमिटर टाढा रहेको युएसजिएसले जनाएको छ ।

भूकम्पका कारण धेरै स्थानमा पहिरो गएको र सीमित रूपमा चल्ने यातायातका साधनको आवागमनमा समेत समस्या भएको छ ।

भूकम्पपछि ठूलो उद्धार कार्य जारी रहेको तालिवान अधिकारीहरूले बताएका छन् ।

भूकम्पको असर काबुलदेखि छिमेकी पाकिस्तानको राजधानी इस्लामावादसम्मका भवनहरूमा स्पष्ट देख्न सकिन्छ।