सामग्री खोज्नुहोस्

टोकियो । जापानको कुफु कर कार्यालयका २५ वर्षीय पूर्वकर्मचारी इशी कात्सुकीलाई करिब २५० लाख येनभन्दा बढी कर हिनामिना गरेको आरोप लागेको छ । यो आरोपसँगै उनी पुन: पक्राउ पर्ने भएका छन् ।

उनले कर सङ्कलनको क्रममा करदाताबाट लिइएको रकम कार्यालयमा कम देखाउँदै बाँकी रकम व्यक्तिगत उपयोगका लागि अपचलन गरेको आरोप छ ।

प्रहरी अनुसन्धानले देखाएअनुसार, उनले नक्कली प्रमाणपत्र बनाएर कार्यालयमा झुटो रिपोर्ट पेस गरेको अनुमान गरिएको छ। यो घटनामा उनले करदाताले तिरेको करको करिब ९० लाख येन हिनामिना गरेको प्रहरीको अनुमान छ ।​ 

इशीले अनलाइन क्यासिनोको ऋण तिर्न र आफ्नो जीवनयापनका लागि उक्त रकम प्रयोग गरेको दाबी गरिएको छ ।

यस किसिमको अन्य घटनामा करिब १० जनाबाट सङ्कलित करमध्ये थप २५ लाख येन अपचलन गरेको पाइएको छ ।

प्रहरीले उनलाई ‘कामको हैसियतको दुरुपयोग’ तथा ‘वित्तीय अपचलन’सम्बन्धी आरोपमा पुन: पक्राउ गर्ने योजना बनाएको छ।