Kyodai News

अ

अ+

अ-

एजेन्सी । म्यानमारको कायिन राज्यको हपा–अन वस्तीमा बाढीका कारण दुई हजार दुई सय ९८ घरपरिवारका कुल १० हजार तीन सय ९५ जनालाई २४ अस्थायी उद्धार आश्रयमा सारिएको छ ।

भारी वर्षापछि थानल्विन नदी खतराको स्तरभन्दा माथि पुगेका कारण विपद् व्यवस्थापन समितिका सदस्य, अग्नि नियन्त्रक, म्यानमार रेडक्रस सोसाइटी र समुदायमा आधारित संस्थाहरूले उनीहरूलाई सो क्षेत्रबाट अन्यत्र सारिएको म्यानमारका सरकारी रेडियो र टेलिभिजनले जनाएका छन् ।

मौसम विज्ञान तथा जलविज्ञान विभागले हपा–अनको नदी खतराको स्तरभन्दा करिब छ फिटमाथि पुगेको जानकारी दिँदै आगामी दिनमा अझै बढ्न सक्ने चेतावनी दिएको छ ।

कायिन राज्य सरकारले दाताहरूसँगै आधारभूत खाद्यान्न आपूर्ति गरिरहेको छ भने स्वास्थ्य मन्त्रालयले चिकित्सा उपचार र सेवाहरू प्रदान गरिरहेको छ ।