सामग्री खोज्नुहोस्

एजेन्सी । फ्रान्सको आर्थिक वृद्धिले गति लिएको छ ।​​ अनिश्चित अन्तर्राष्ट्रिय वातावरणका बाबजुद यस वर्षको दोस्रो त्रैमासिकमा फ्रान्सको आर्थिक वृद्धि बढेको सरकारी तथ्याङ्कले देखाएको छ ।​

​युरोक्षेत्रको दोस्रो ठूलो अर्थतन्त्रको कुल गार्हस्थ उत्पादन अप्रिल र जुनको बीचमा पहिलो त्रैमासिकको ०.१ प्रतिशतको तुलनामा ०.३ प्रतिशतले वृद्धि भएको छ । यो ०.२ प्रतिशतको वृद्धिको अनुमानभन्दा केही बढी हो।

संयुक्त राज्य अमेरिकाले अप्रिलमा शुरू गरेको व्यापार युद्धका कारण अन्तर्राष्ट्रिय व्यापार वातावरण अनिश्चित भएको अवस्थामा विदेशी व्यापारले समग्र कुल गार्हस्थ उत्पादन (जीडीपी) मा ०.२ प्रतिशतको नकारात्मक योगदान गरेको छ ।

वर्षको पहिलो तीन महिनाको ०.५ प्रतिशतको तुलनामा यो सुधार हो । निर्यातमा देखिएको सामान्य सुधार र आयातमा देखिएको न्यून दर तथा परिवर्तनको तीव्र गतिका कारण भएको हो ।

मुख्यतया अतिरिक्त खाद्य खरिदका कारण घरायसी उपभोग्य वस्तुको ०.१ प्रतिशतले वृद्धिमा योगदान पुर्‍याएको छ ।

आइएनएसइईले जारी गरेको विज्ञप्तिमा भनिएको छ, ‘अप्रिलको अन्त्यमा परेको इस्टर र अप्रिल र मे महिनामा अनुकूल मौसमका कारण यो परिवर्तन आएको मान्न सकिन्छ ।’