सामग्री खोज्नुहोस्

एजेन्सी । तनावपूर्ण वार्तापछि अमेरिका र जापानबीच ऐतिहासिक व्यापार सम्झौता भएको छ। अमेरिकी राष्ट्रपति डोनाल्ड ट्रम्पले सम्झौतासम्बन्धी घोषणा गर्दै यसलाई ‘इतिहासकै सबैभन्दा ठूलो सम्झौता’ भनेका छन् ।

सम्झौताअनुसार जापानले अमेरिकाबाट चामल, गाडी र कृषि उत्पादन आयात गर्न बजार खुला गर्नेछ भने जापानले अमेरिका भित्र्याउने गाडी र पार्टपुर्जामा १५ प्रतिशत पारस्परिक भन्सार शुल्क तिर्नेछ। ट्रम्पले जापानले अमेरिकामा ५५० अर्ब डलर लगानी गर्ने र यसले लाखौं रोजगारी सिर्जना गर्ने दाबी गरे।

जापानी मन्त्री अकाजावाले गाडीमा शुल्कबिना सीमाहीन पहुँच पाएको बताउँदै यसलाई ‘मिसन कम्प्लिटेड’ भने । प्रधानमन्त्री इशिबाले यसलाई ‘अमेरिकासँगको सबैभन्दा न्यून शुल्क सम्झौता’ भन्दै प्रशंसा गरे।

सम्झौताको प्रमुख विषय गाडी र चामल रहेको छ अब जापानले स्टिल र आल्मुनियम जस्ता अन्य शुल्कहरूमा पनि छलफल गर्नेछ।

सम्झौताअनुसार अमेरिकी आयातकर्ताहरूले जापानबाट निर्यात हुने वस्तुहरूमा १५ प्रतिशत ‘पारस्परिक’ भन्सार शुल्क तिर्नेछन् । यो १५ प्रतिशत शुल्क मोटर गाडी र गाडीका पार्टपुर्जाहरूमा पनि लागू हुनेछ । यसले जापानलाई अन्य प्रमुख गाडी निर्यातक देशहरूको तुलनामा फाइदा दिनेछ । किनभने, अन्य देशहरूले अप्रिलदेखि मोटर गाडी निर्यातमा २५ प्रतिशत शुल्कको सामना गरिरहेका छन् ।

जापानले अमेरिकामा ५५० अर्ब डलर लगानी गर्ने ट्रम्पले बताए । ‘अमेरिकाले यो लगानीबाट ९० प्रतिशत नाफा प्राप्त गर्नेछ,’ उनले थपे, ‘यो सम्झौताले लाखौं रोजगारी सिर्जना गर्नेछ । जापानले आफ्नो बजारलाई गाडी, चामल र केही अन्य कृषि उत्पादनलगायत लागि खुला गर्नेछ । जापानले अमेरिकालाई १५ प्रतिशत पारस्परिक भन्सार शुल्क तिर्नेछ ।’