सामग्री खोज्नुहोस्

टोकियो। जापानको सत्तारुढ दल लिबरल डेमोक्रेटिक पार्टी र कोमेइतोले उपल्लो सदनमा समेत बहुमत गुमाएका छन्। तल्लो सदनमा अघिल्लो बर्ष भएको निर्वाचन बाट बहुमत गुमाएर तेस्रो दल संगको सहकार्यमा सरकार संचालन गर्दै आएरहेका सत्तारुढ ति दलहरुले उपल्लो सदनमा समेत बहुमत गुमाएका हुन्।

उपल्लो सदनको १२५ सिटका लागि आइतवार भएको निर्वाचनमा सत्तारुढ दल लिबरल डेमोक्रेटिक पार्टी र कोमेइतोले जम्मा ४७ सिटमा जीत हाँसिल गर्दा बहुमत गुमेको हो। ति दलहरुलाई बहुमतका लागि ५० सिट जित्न आबश्यक थियो।

अघिल्लो बर्ष भएको तल्लो सदनमा लामो समय सत्ता सांझेदारी गर्दै आएका लिबरल डेमोक्रेटिक पार्टी र कोमेइतोले २०९ सिटमा मात्रै जीत हाँसिल गरेपछि बहुमत गुमाएका थिए। तल्लो सदनमा बहुमतका लागि २३३ सिट आबश्यक हुन्छ।

तल्लो सदनमा बहुमत गुमाएपछि लिबरल डेमोक्रेटिक पार्टीका नेता शिगेरु इशिबा लोकतान्त्रिक पार्टीको समर्थनमा प्रधानमन्त्री निर्वाचित भएका थिए। लोकतान्त्रिक पार्टीको तल्लो सदनमा २८ सिट छ।

उपल्लो सदनमा समेत बहुमत गुमाएपछि प्रधानमन्त्री शिगेरु इशिबाले आफुले सत्ता नछोड्ने र उपल्लो सदनमा समेत लोकतान्त्रिक पार्टी संग सहकार्य गर्ने प्रष्ट पारेका छन्।

सोमबार दिउँसो टोकियोमा आयोजित पत्रकार सम्मेलनमा बोल्दै उनले अहिलेको महत्वपूर्ण कुरा भनेको राष्ट्रिय राजनीतिमा अस्थिरता बाट बच्नु भएकाले सबै भन्दा ठुलो दलका नाताले आफुले जिम्मेवारी लिनुपर्ने बताए।

‘चुनावी परिणामप्रति बाट म अत्यतै सचेत छु’ पत्रकार सम्मेलनमा प्रधानमन्त्री इशिबाले भने ‘तर राजनीतिक अस्थिरता बाट बच्न अनि राष्ट्र र जनताप्रतिको जिम्मेवारी पुरा गर्न पनि मैले अरु निर्णय लिन हुँदैन।’