सामग्री खोज्नुहोस्

एजेन्सी । अमेरिकाको अलास्का राज्यको तटीय क्षेत्रमा बुधबार ७.३ म्याग्निच्यूडको शक्तिशाली भूकम्प गएको छ।

अमेरिकी भूगर्भीय सर्वेक्षणका अनुसार भूकम्पको केन्द्रविन्दु स्यान्ड पोइन्ट टापुबाट करिब ८७ किलोमिटर दक्षिणतिर समुद्रमा, करिब १२.५ माइल (२० किलोमिटर) गहिराइमा थियो।​

भूकम्पस्थल नजिकैका क्षेत्रमा केही समयका लागि सुनामीको चेतावनी जारी गरिएको थियो । तर राष्ट्रिय सुनामी चेतावनी केन्द्रले प्रारम्भिक चेतावनीपछि दुई घण्टापछि सुनामीको चेतावनी फिर्ता लिएको छ।​

स्यान्ड पोइन्ट क्षेत्रमा अधिकतम ६.१ सेन्टिमिटर (०.२ फिट) उचाइको सानो छाल मात्रै देखिएको जनाइएको छ। यद्यपि, अधिकारीहरूले प्रभावित क्षेत्रका बासिन्दाहरूलाई सतर्कता अपनाउन र स्थानीय सूचना प्रणालीको पालना गर्न अनुरोध गरेका छन्।​

अहिले सम्म कुनै ठूलो क्षति वा मानवीय क्षतिको खबर आएको छैन।

प्रभावित क्षेत्रहरूमा सार्वजनिक सतर्कता जारी राखिएको छ र सुरक्षा निकायहरू स्थलगत अनुगमनमा खटिएका छन्।