सामग्री खोज्नुहोस्

काठमाडौं । संयुक्त अरब इमिरेट्स (यूएई) सरकारले विभिन्न कसुरमा जेलमा रहेका १२० नेपालीलाई आममाफी दिएको छ । विभिन्न कसुरमा यूएईको जेलमा रहेका उनीहरूलाई बुधबार आममाफी दिइएको यूएईको आवुधावीमा रहेको नेपाली राजदूतावासले जनाएको छ ।​​

ईस्लाम धर्मालम्बीहरूको महान पर्व ईद अल–अदाहका अवसरमा यूएई सरकारले उनीहरूको बाँकी सजाय मिनाहा गरी आममाफी दिएको हो ।

‘ईस्लाम धर्मालम्बीहरूको महान पर्व ईद अल–अदाहका अवसरमा संयुक्त अरब इमिरेट्स सरकारले विभिन्न कसुरहरूमा यूएईको जेलमा रहेका १२० नेपालीहरूलाई बाँकी सजाय मिनाहा गरी आममाफी गरेकोमा नेपाली राजदूतावास, आवुधावी संयुक्त अरब इमिरेट्स सरकारप्रति हार्दिक आभार तथा कृतज्ञता व्यक्त गर्दछ’, राजदूतावासद्वारा जारी विज्ञप्तिमा भनिएको छ ।

यूएईमा श्रमिकका रूपमा काम गरिरहेका हजारौं नेपालीहरूमध्ये केही कारागारमा छन् ।