सामग्री खोज्नुहोस्

काठमाडौं । घुस डिल गरेको अडियो प्रकरणमा मुछिएका संघीय मामिला तथा सामान्य प्रशासनमन्त्री राजकुमार गुप्ताले राजीनामा दिएका छन् । उनले मंगलबार दिउँसो प्रधानमन्त्री केपी शर्मा ओलीको सचिवालयमा राजीनामा बुझाएका हुन् ।

मन्त्री गुप्ताले आफूमाथि लागेको आरोपको अनुसन्धान गरी सत्य तथ्य बाहिर ल्याउन सहयोग पुगोस् भनेर राजीनामा दिएको बताएका छन् । 

उनले आजसम्म आफूलाई सहयोग गरेका सबैप्रति धन्यवाद व्यक्त गर्दै आगामी दिनमा पार्टीले दिएको जिम्मेवारी निष्ठापूर्वक पूरा गर्ने प्रतिबद्धतासमते जनाएका छन् ।

उनका बारेमा विभिन्न सञ्चारमाध्यम तथा सामाजिक सञ्जालमा लाखौं रुपैयाँ घुस लिएको अडियो सामग्री सार्वजनिक भएको थियो ।

यसैबीच राष्ट्रपति रामचन्द्र पौडेलले ​राष्ट्रियसभा सदस्य भगवती न्यौपाने सामान्य प्रशासनमन्त्री नियुक्त गरेका छन् ।

प्रधानमन्त्री ओलीको सिफारिसमा मंगलबार नै राष्ट्रपति पौडेलले न्यौपानेलाई मन्त्री पदमा नियुक्त गरेका हुन् ।