सामग्री खोज्नुहोस्

एजेन्सी । अमेरिकी राष्ट्रपति डोनाल्ड ट्रम्पले आउँदो अगस्ट १ देखि क्यानडाबाट आयात हुने वस्तुहरूमा ३५ प्रतिशत भन्सार शुल्क लगाउने घोषणा गरेका छन्।

दुई देशबीच नयाँ व्यापार सम्झौता गर्नको लागि तोकिएको समयसीमाको केही दिन मात्र बाँकी रहँदा ट्रम्पले सामाजिक सञ्जालमा प्रकाशित एक पत्रमार्फत यो चेतावनी दिएका हुन् ।

उक्त पत्रमा ट्रम्पले अन्य व्यापारिक साझेदार राष्ट्रहरूमाथि पनि १५ देखि २० प्रतिशतसम्मको व्यापक भन्सार शुल्क लगाउने धम्की दिएका छन्।

यसप्रति प्रतिक्रिया दिँदै क्यानडाका प्रधानमन्त्री मार्क कार्नीले सामाजिक सञ्जालमा लेख्दै आफ्नो सरकार क्यानडाली कामदार र व्यवसायको संरक्षण गर्न प्रतिबद्ध रहेको बताएका छन्। साथै, उनीहरू अगस्टको संशोधित समयसीमा भित्र नयाँ सम्झौता गर्न प्रयासरत रहेको जानकारी दिएका छन्।

यसअघि नै अमेरिकाले केही क्यानडाली वस्तुहरूमा २५ प्रतिशत भन्सार शुल्क लगाइसकेको छ भने स्टिल, एल्युमिनियम र गाडीमा विश्वव्यापी रूपमा लागू गरिएको ट्रम्पको भन्सार नीतिले क्यानडालाई ठूलो असर परेको छ।

यो कदमले दुई देशबीचको व्यापारिक सम्बन्धमा थप तनाव सिर्जना गर्ने देखिएको छ।