सामग्री खोज्नुहोस्

टोकियो। विदेशीहरुलाइ भिषा प्रदान गर्ने प्राबधानहरुमा कडाइ गर्न लागेको जापान सरकारले बिजनेस गर्नेहरुलाई पनि कडाइ गर्ने संकेत देखाएको छ।

लिबरल डेमोक्रेटिक पार्टीको नीति अनुसन्धान परिषद्ले हालै सार्बजनिक गरेको प्रस्तावनामा विदेशीहरुले ब्यबसाय गर्न पाउने जापानको नीति धेरैनै ‘उदार’ भएको उल्लेख गरिएको छ।

‘व्यवसाय प्रबन्धकका लागि हालका मापदण्डहरू अन्य देशहरूका तुलनामा उदार छन्, जसले गर्दा वास्तविक व्यवसाय सञ्चालन बिनाका वेदनहरू आउँछन्’ प्रस्तावनाको बुँदा नम्बर एकको तेश्रो अनुक्षेदमा भनिएको छ ‘त्यसकारण, हामीले वास्तविक अवस्था बुझ्ने प्रयास गर्ने र व्यवसायसंग सम्बन्धित पूँजीको मात्रा र आवास स्थितिको तुरुन्तै समीक्षा गर्नुपर्छ।’

विदेशीहरुको ब्यबसायिक प्रक्रियाका लागि हाल अबलम्बन गरिरहेका नीतिहरुमा के कस्तो परिवर्तन गर्न पर्ने हो भन्ने बारेमा उक्त प्रस्तावनामा उल्लेख गरिएको छैन। तर, कम्पनी खोल्न र संचालन गर्दा आबश्यक पर्ने पूँजीको अंक ‘हेरफेर’ गर्न सक्ने उक्त प्रस्तावनाबाट देखिएको छ।