सामग्री खोज्नुहोस्

काठमाडौं । रुपन्देहीको बुटवल उपमहानगरपालिका–११ होराइजनचोक नजिकै एक महिलासहित दुई बालिकाको वीभत्स हत्या भएको छ ।

इलाका प्रहरी कार्यालय बुटवलका प्रमुख प्रहरी नायब उपरीक्षक इन्द्रबहादुर रानाका अनुसार ३० वर्षीया दीपा बस्याल ढकाल र उनका दुई छोरीहरू सात वर्षीया स्नेहा र चार वर्षीया हिमान ढकालको हत्या भएको हो ।

प्रहरीले हत्या अभियोगमा बुटवल कालिकानगरका ३५ वर्षीय सुजन कोइरालालाई पक्राउ गरेर अनुसन्धान थालेको जनाएको छ । ​

तीनै जनाको घरेलु हतियार हथौडा र चक्कु प्रहार गरी हत्या गरेको प्रहरीले जनाएको छ ।

कोइरालाले आफ्नै घरमा बोलाएर बुधबार चक्कु र घन प्रयोग गरी तीनै जनाको हत्या गरिएको प्रारम्भिक अनुसन्धानबाट खुलेको प्रहरी नायब उपरीक्षक रानाले जानकारी दिए ।

स्थानीयका अनुसार स्वास्थ्यकर्मीका रूपमा कार्यरत दीपाले सुजनसँग सम्बन्ध विच्छेद गरेपछि दोस्रो विवाह गरेकी थिइन् ।

दीपासँगै हत्या गरिएका दुई बालिका पनि पछिल्लो पति तर्फका हुन् ।

हत्या अभियोगमा प्रहरी नियन्त्रणमा रहेका अभियुक्त सुजनले आफ्नै दाजुको अभियोगमा जेल सजाय भुक्तान गरेर केही वर्षअघि छुटेका थिए ।