सामग्री खोज्नुहोस्

एजेन्सी । नाइजेरियाको एक प्रमुख ‘पृथकतावादी समूह’ले पछिल्ला चार वर्षयता गरेको प्रदर्शनका कारण ७०० भन्दा बढीको मृत्यु भएको छ ।

स्थानीय एक गुप्तचर थिङ्क ट्याङ्कले सोमबार प्रकाशित गरेको रिपोर्टमा उक्त तथ्याङ्क उल्लेख छ ।

प्रतिबन्धित ‘इन्डिजिनस पिपल अफ बियाफ्रा’ (आईपीओबी) आन्दोलनले दक्षिणपूर्वी नाइजेरियाको स्वतन्त्रताका लागि दबाब दिँदै आएको छ ।

यही क्षेत्रमा सन् १९६० को दशकको अन्त्यमा भीषण गृहयुद्ध भएको थियो । समूहले नियमित रूपमा ‘घरमै बसौं’ नामक आन्दोलनको आह्वान गर्दै आएको छ ।

शुरूमा शान्तिपूर्ण प्रदर्शनका रूपमा प्रस्तुत गरिए पनि यस्ता गतिविधि सशस्त्र समूहहरूद्वारा अपहरण गरिएका छन्, जसले सरकारी निकाय वा समर्थनकर्तामाथि आक्रमण गर्ने गरेका छन् ।​

लागोसस्थित एसबीएम इण्टेलिजेन्सका अनुसार, ‘आदेश लागू गर्नका लागि प्रयोग भएका केही व्यक्ति वा समूहहरूले व्यावसायिक गाडीमा आगो लगाउने, आदेश उल्लङ्घन गर्नेहरूमाथि आक्रमण गर्नेजस्ता हिंसात्मक कार्यहरू गरेका छन्, जसले जनतालाई त्रासका आधारमा आदेश पालना गर्न बाध्य बनाएको छ ।’

थिङ्क ट्याङ्कको अनुमानमा यस क्षेत्रले करिब ७ दशमलव ६ ट्रिलियन अमेरिकी डलर बराबरको आर्थिक क्षति बेहोरेको र ७७६ जनाको मृत्यु भएको छ ।