सामग्री खोज्नुहोस्

एजेन्सी । अमेरिकाका पूर्वराष्ट्रपति जो बाइडेनलाई प्रोस्टेट क्यान्सर पुष्टि भएको छ। क्यान्सरको असर उनको हाडमा समेत फैलिएको पारिवारिक स्रोतले जनाएको छ।

८२ वर्षीय बाइडेनको पिसाबमा प्रोस्टेट नोड्यूल देखिएपछि क्यान्सर पुष्टि भएको र यसले हार्मोन–संवेदनशील लक्षण देखाएको चिकित्सकहरूको भनाइ छ। बाइडेन र उनको परिवार हाल उपचारको विकल्पहरूबारे समीक्षा गरिरहेका छन्।

उनका छोरा बो बाइडेनको पनि क्यान्सरकै कारण निधन भएको थियो।

बाइडेनका पुराना प्रतिद्वन्द्वी डोनाल्ड ट्रम्पले यो समाचारले आफूलाई दुःखी बनाएको भन्दै शीघ्र स्वास्थ्य लाभको कामना व्यक्त गरेका छन् ।

यस्तै कमला ह्यारिसले बाइडेनलाई ‘एक लडाकु’ भन्दै क्यान्सर सामना गर्न सक्ने विश्वास व्यक्त गरेकी छन् ।

अमेरिकी क्यान्सर सोसाइटीका अनुसार प्रोस्टेट क्यान्सर पुरुषहरूमा क्यान्सरको सबैभन्दा सामान्य रूप हो र यो संयुक्त राज्य अमेरिकामा आठ मध्ये एक पुरुषले आफ्नो जीवनकालमा सामना गर्ने गरेका छन् ।

यो रोगको प्रारम्भिक पहिचान भएमा उपचार गर्न सकिने भए तापनि पुरुषमा हुने क्यान्सर र मृत्युको दोस्रो प्रमुख कारण भएको समाजले जनाएको छ ।