सामग्री खोज्नुहोस्

एजेन्सी। भारत प्रशासित पर्यटकीय क्षेत्रमा आतंकबादीहरुको आक्रमणमा परि २६ जनाको मृत्यु भएको दुई सातापछि भारतले पाकिस्तान तर्फका नौ क्षेत्रमा मिसाइल आक्रमण गरेको छ। भारतले आक्रमण गरेपछि पाकिस्तानले पनि भारतीय सेना माथि आक्रमण गर्न थालेपछि दुई छिमेकी देशहरुबीचको तनाब बढ्दो क्रममा रहेको अन्तराष्ट्रिय संचार माध्यमहरुले जनाएका छन्।

आतंकबादीहरुको सेल्टरलाइ लक्षित गरि भारतले गरेको मिसाईल आक्रमणमा परि हाल सम्म ३१ जनाको मृत्यु भएको र पाकिस्तानले गरेको आक्रमणमा १५ भारतीयको मृत्यु भएको समाचार संचारमाध्यमहरुले प्रकाशन/प्रशारण गरेका छन्।

भारतको पहलगाममा अप्रिल २२ मा एक नेपाली सहित २६ जनाको ज्यान जाने गरि आतंकबादीहरुले आक्रमण गरेपछि भारतले त्यसको जवाफमा पाकिस्तानका विभिन्न क्षेत्रमा मिसाइल प्रहार गरेको थियो।

भारतीय रक्षा मन्त्रालयले लस्कर–ए–तैयबा, जैस–ए–मोहम्मद र हिजबुल मुजाहिद्दिनका मुख्य संरचना लक्षित आक्रमण गरेको बताएपनि पाकिस्तानले आफ्ना नागरिक माथिको आक्रमण भन्दै ‘कठोर जावाफ फर्काउने’ चेतावनी दिएको थियो।

लगत्तै पाकिस्तानले पांच भारतीय बिमान र एक ड्रोन कसालेको दाबी समेत गरेको थियो तर यसको अहिले सम्म पुष्टि हुन सकेको छैन। भारतले भने विश्वसनीय गुप्तचर जानकारीका आधारमा सर्वसाधारणको ज्यान र पूर्वाधारलाई क्षति नपुग्ने गरी ‘अपरेसन सिन्दूर’ चलाइएको बताएको छ।

पछिल्लो पटक प्राप्त विवरणहरु अनुसार पाकिस्तानी सेनाको आक्रमणमा परी भारतीय सेनाका एक लेसनायक मारिएका छन् । फाइभ फिल्ड रेजिमेन्टमा रहेका लेसनायक दिनेश कुमारको मृत्यु भएको भारतीय सेनाले पुष्टि गरेको छ ।