Kyodai News

अ

अ+

अ-

काठमाडौं । काभ्रेपलाञ्चोकको मण्डनदेउपुर नगरपालिका र जापानको फुजिनोमिया नगरबीच भगिनी सम्बन्ध कायम भएको छ। यस सम्बन्धको औपचारिक घोषणा फुजिनोमियाका नगरप्रमुख हितोतादा सुदोको टोलीको भ्रमणपछि नगरसभाको विशेष अधिवेशनमार्फत भएको हो।

नगरप्रमुख टोकबहादुर वाइवा र सुदोले हस्ताक्षर गरी कृषि, पर्यटन, सामाजिक तथा सांस्कृतिक क्षेत्रको आदानप्रदानमा सहकार्य गर्ने सहमति जनाएका छन्। जापानका लागि नेपालका राजदूत डा. दुर्गा सुवेदीको विशेष समन्वयमा सम्बन्ध स्थापित भएको हो। वाइवाले यो सम्बन्धले नगरको विकासमा टेवा पुग्ने बताए, भने सुदोले दुई नगरबीचको सहकार्य ऐतिहासिक हुने विश्वास व्यक्त गरे।

गत माघमा मण्डनदेउपुरका जनप्रतिनिधिहरूको जापान भ्रमणका क्रममा भएको प्रारम्भिक सम्झौतापछि यसलाई औपचारिकता दिइएको हो।