सामग्री खोज्नुहोस्

राष्ट्रिय लोक तथा दोहोरी गीत प्रतिष्ठानले पोखरामा गायक पुरुषोत्तम न्यौपानेको एकल सांगीतिक साँझ गर्ने भएको छ ।

यही चैत २२ गते पोखरा सभागृहमा हुने कार्यक्रममा न्यौपानेले आफ्ना चर्चित गीतलाई लाइभ बाजामा प्रस्तुत गर्नेछन् ।

दिउँसो ३ बजेदेखि शुरू हुने ‘पुरुषोत्तम न्यौपाने सांगीतिक साँझ’मा न्यौपानेसँग सहकार्य गरेका केही चर्चित गायिकाहरूले प्रस्तुतिमा साथ दिने​ दोहोरी गीत प्रतिष्ठानकी अध्यक्ष रीता थापा मगरले जानकारी दिइन् ।​ 

हजारभन्दा बढी गीतमा स्वर दिएका उनका ‘घामजस्तो चम्किलो जुन हुँदैन, सररर पानीघट्टामा, रुन्छ नि मन किन रुँदैन, मिर्मीमुनी काली थुनेको, ढुंगेधारामा, झिलझिल सितारा, देउरालीमा धजा’ आदि गीत चर्चित छन् ।​

प्रतिष्ठानले गत वर्षदेखि एक जना अग्रज लोकदोहोरी कलाकारको सांगीतिक साँझ आयोजना गर्न शुरू गरेको हो ।

पहिलो कार्यक्रम काठमाडौंस्थित प्रज्ञा प्रतिष्ठानमा वरिष्ठ गायक तथा संगीतकार नारायण रायमाझीको सांगीतिक साँझ आयोजना गरिएको थियो ।