सामग्री खोज्नुहोस्

टोकियो। जापानको चिबा स्थित ग्योतोकुबाट करोडौं लिएर फरार भएका नवलपुर जिल्लाका योगेन्द्र कुमार अर्याल अझै सम्पर्कमा आएका छैनन्।

उनी विभिन्न व्यक्तिहरुबाट करोडौं रकम लिएर गत ११ तारिख देखि फरार भएका हुन्। क्योदाई न्यूजलाइ प्राप्त जानकारी अनुसार अर्यालले मार्च ११ तारिख एअर इंडिया मार्फत नेपाल जानका लागि टिकट काटेका थिए।

हामीलाई प्राप्त टिकटमा उल्लेख गरिएको समय तालिका अनुसार उनि मार्च ११ तारिख दिउसो १२:३० बजे नारिता विमानस्थल बाट उड्नु पर्ने थियो। त्यसपछि बेलुका १८:५५ बजे भारतको इन्दिरा अन्तराष्ट्रिय विमानस्थलमा ल्याण्ड गरेर भोलिपल्ट १२:४५ मा नेपालका लागि उड्ने तालिका थियो।

‘फरार भएका अर्याल भारत ओर्लिएर त्यहिँ लुकेर बसेको हाम्रो अनुमान छ’ एक पिडितले भने ‘नेपालको सुरक्षा निकायसंग कुरा गर्दा उनी उक्त बिमान मार्फत नेपाल प्रवेश नगरेको जानकारी पाएका छौं।’

उनी भारतमै लुकेर बसेको आशंकामा आबश्यक सूचनाहरु संकलन गर्ने काम भैरहेको पनि पीडितहरुले बताएका छन्।