सामग्री खोज्नुहोस्

जापान। जापानको चिबा स्थित ग्योतोकु बस्दै आएका एक ३५ बर्षीय नेपाली करोडौं रकम लिएर फरार भएका छन् । नवलपुर (पूर्व) जिल्ला बिनय त्रिबेणी गाउँपालिका वार्ड नम्बर ६ स्थायी ठेगाना भएका योगेन्द्र कुमार अर्याल विभिन्न व्यक्तिहरु बाट करोडौं रकम उठाएर केही दिनदेखि फरार भएका हुन्।

पिडितहरुले दिएको जानकारी अनुसार उनले विभिन्न व्यक्तिसंग झन्डै १२ करोड रकम संकलन गरेका थिए। ‘आपत पर्र्यो दाइ भन्दै पैसा मागेपछि मैले १६ लाख नगद दिएको थिए ‘ क्योदाई न्यूजसंग सम्पर्कमा आएका एक पिडितले भने ‘एक दुइदिनमा दिन्छु भनेको मान्छे अहिले फरार भएको छ।’

पिडितहरुले उनका आफन्तहरुसंग गरेको कुराकानी अनुसार अर्याल ११ तारिख नारिता विमानस्थलबाट भारतको न्यू दिल्लीका लागि प्रस्थान गरेका छन्। उनी भारतको बाटो हुँदै नेपाल प्रवेश गरेका हुन् या भारतमै बसिरहेका छन् भन्ने खुलेको छैन।

फरार रहेका अर्यालले २० देखि ३० जना व्यक्तिसंगबाट करिब १२ करोड भन्दा बढी संकलन गरेको पिडितहरुले बताएका छन्। ‘हामी हिजो भेला भएका पिडितहरुको मात्रै १० करोड भन्दा माथिको रकम छ’ एक पिडितले भने ‘त्यो बाहेक पनि अरु थुप्रै व्यक्तिहरुसंग उसले पैसा असुलेको पाइएको छ।’

उनलाई नारिता विमानस्थल सम्म उनकै भाइ दिनेश अर्यालले पुर्र्याएको पनि पिडितहरुको भनाइ छ। अर्यालले आफुहरुलाइ ठगी गरेको भन्दै पिडितहरु प्रहरीमा उजुरी दिने तयारीमा रहेको पनि पिडितहरुले जानकारी दिएका छन्।

यस बिषयमा फरार भएका भनिएका अर्यालसंग कुरा गर्नका लागि विभिन्न माध्यमबाट प्रयास गर्दा पनि सफल हुन सकेको छैन। उनले ग्योतोकुमा अलामदेबी भन्ने कम्पनी खोलेर सोही ठाउमा डाँफे नामक रेस्टुरेन्ट संचालन गर्दै आइरहेका थिए।