सामग्री खोज्नुहोस्

एजेन्सी । नाइजरमा गत वर्षको अविरल वर्षा र भीषण बाढीका कारण १५ लाखभन्दा बढी मानिसलाई विस्थापित भएका छन् । बाढीका कारण ३९६ जनाले ज्यान गुमाएका छन् भने ४०५ जना घाइते भएका छन्।

आन्तरिक मन्त्री मोहम्मद तोम्बाका अनुसार दुई लाखभन्दा बढी घरहरू बाढीको चपेटामा परेका छन्। जलवायु परिवर्तनका कारण देशमा खडेरी र मुसलधारे वर्षाजस्ता चरम मौसमी घटना थप बढिरहेका छन्।  

राष्ट्रिय मौसम विज्ञान कार्यालयका अनुसार गत वर्षको तुलनामा केही क्षेत्रमा २०० प्रतिशत बढी वर्षा भएको छ। दोसो, मराडी, जिन्डरको दक्षिणी क्षेत्र र तौवाको पश्चिमी क्षेत्र सबैभन्दा प्रभावित छन्। 

जिन्दरमा बाढीका कारण १९ औं शताब्दीको ऐतिहासिक मस्जिद भत्किएको छ, जुन देशको प्रमुख पर्यटकीय स्थलमध्ये एक थियो। राजधानी नियामीमा पनि सडकहरूमा क्षति पुगेको छ।  

विपद् व्यवस्थापन मन्त्रालयका अनुसार अघिल्लो वर्षको बाढीले १ लाख ५८ हजारभन्दा बढी घर ध्वस्त पारेको थियो भने ३१ हजार गाईवस्तु मरेका थिए।