सामग्री खोज्नुहोस्

टोकियो। नक्कली सिओइ मार्फत जापान प्रवेश गरेका दुइ नेपालीलाइ ओकिनावा प्रहरीले पक्राउ गरेको छ।

नेपाल बाट कुमार लामाको केबिएल इण्टरनेशनल मार्फत जापान प्रवेश गरेका उनीहरुलाई अध्यागमन कानून उल्लङ्घन गरेको आरोपमा प्रहरीले पक्राउ गरेको हो।

नेपाल बाट कुमार कार्कीले जापान पठाएपछि साइतामामा रहेका आरके सुनारले उनीहरुलाइ केही समय साइतामा राखेर ओकिनावा पठाएका थिए।

‘आरके सुनुवारले कामका लागि भन्दै हामीलाई ओकिनावा पठाउनु भएको थियो’ पक्राउ पर्नुअघि क्योदाई न्यूजको सम्पर्कमा आएका पीडितहरुले भनेका थिए।

कानून बिपरित काम गरिरहेका उनीहरुलाई अध्यागमन बोलाएर जनवरी १८ तारिख भिषा रद्द गरिदिएको थियो। भिषा रद्द भएसंगै प्रहरीले उनीहरुलाई पक्राउ गरेको उनीहरुका साथीले जानकारी दिए।

कुमार कार्कीलाइ १२ देखि १५ लाख सम्म बुझाएर उनीहरु अघिल्लो बर्षको मार्च महिनामा जापान प्रवेश गरेका थिए।