सामग्री खोज्नुहोस्

टोकियो। जापानका चर्चित टेलिभिजन प्रस्तोता मासाहिरो नाकाईका विभिन्न संचार माध्यमबाट प्रशारण हुने कार्यक्रमहरु स्थगित गरिएको छ।

फुजी टेलिभिजनमा कार्यरत एक युवती संग लफडा भएको समाचार बाहिरिएपचि उनको उपस्थितिमा प्रशारण हुने धेरैजसो टेलिभिजन कार्यक्रमहरु स्थगित गरिएको हो।

नाकाइले भने ति युवती संग भएको लफडा पहिलेनै सेटल गरिसकेको र आफ्नो संचार करियर अहिलेकै जस्तो निरन्तर चल्ने दाबी गरेका छन्। तर समस्याको समाधान भैसकेको उनको दाबीलाइ फुजी टेलिभिजनले अस्विकार गर्दै उनका कार्यक्रम हाललाई स्थगित गरिएको जनाएको छ।

नाकाइले दुबैपक्षका प्रतिनिधिहरु बसेर ९ करोडमा समस्याको समाधान गरिएको एक बिज्ञप्ति मार्फत दाबी गरेका छन्। ति युवती संग समस्या उत्पन्न भएको सत्य भएतापनि समाचारहरुमा उल्लेख भएको जस्तो आफुले हात उठाएको कुरा असत्य भएको समेत उनले दाबि गरेका छन्।

समाचारहरु सार्बजनिक भएपछी टिभिएस टेलिभिजनले समेत उनका कार्यक्रम हाललाई स्थगित गरेको जनाएको छ। त्यस्तै रेडियो बाट प्रशारण हुने कार्यक्रमहरु समेत स्थगित भएको जापानी संचार माध्यमहरुले जनाएका छन्।

उनीहरुबीच के कुरामा लफडा भएको थियो भन्ने समाचारहरुमा खुलाइएको छैन तर कतिपय संचार माध्यमहरुले लैंगिक हिंसा हुनसक्ने उल्लेख गरेका छन्।