सामग्री खोज्नुहोस्

एजेन्सी । मध्य मालीमा भएको आक्रमणमा कम्तीमा आठ सर्वसाधारणको मृत्यु भएको छ ।

समस्याग्रस्त पश्चिम अफ्रिकी यस देशमा भएको पछिल्लो आक्रमणका लागि माली सेना र रुसको वाग्नर समूहलाई जिम्मेवार ठहर्‍याएका स्रोतहरूले जनाएका छन् ।

माली राजनीतिक, सुरक्षा र आर्थिक सङ्कटमा फसेको छ र सन् २०१२ देखि अल–कायदा र ईस्लामिक स्टेट समूहसँग सम्बद्ध विभिन्न समूहहरूद्वारा तहसनहस पारिएको छ । यसले अस्थिर उत्तरी मरुभूमि क्षेत्रमा पृथकतावादी विद्रोहको पनि सामना गरिरहेको छ ।

‘एउटा हाइलक्स फोरबाइफोर सवारी साधन मौरिटानियामा रहेको शरणार्थी शिविरतर्फ जाँदै गर्दा वाग्नर र माली सेनाले गोली चलाए । बिहीबार कम्तीमा आठ सर्वसाधारणको मृत्यु भयो’, एक स्थानीय अधिकारीले नाम नखुलाउने शर्तमा भने ।

‘सवारी साधनका सबै यात्रुको मृत्यु भयो । उनीहरूलाई सामूहिक चिहानमा गाडियो’, पीडितमध्ये एक जनाका आफन्तले भने ।