Kyodai News

एजेन्सी । उत्तरी चीनको तरकारी बजारमा शनिबार आगलागी हुँदा ८ जनाको मृत्यु भएको छ । साथै अन्य १५ जना घाइते भएका छन् ।

बेइजिङको उत्तरपश्चिममा रहेको झाङ्जियाकोउ शहरमा भएको आगलागीपछि किआओसी जिल्ला जनसरकारले भने, ‘घाइतेहरूलाई उपचारका लागि अस्पताल पठाइएको छ र हाल उनीहरूको जीवनमा कुनै खतरा छैन ।’

लिगुआङ बजारमा बिहान ८ः४० बजे आगलागी भएको थियो र बिहान १० बजेपछि निभाइएको जिल्ला सरकारले जनाएको छ ।

अक्टोबरमा प्रमुख सहर चेङ्दुमा लागेको आगलागीमा २४ जनालाई सास फेर्न गाह्रो भएपछि अस्पतालमा भर्ना गरिएको राज्य मिडियाले जनाएको छ ।

जुलाईमा, दक्षिणपश्चिमी शहर जिगोङको एक सपिङ सेन्टरमा आगलागी हुँदा १६ जनाको मृत्यु भएको थियो ।