सामग्री खोज्नुहोस्

एजेन्सी । पाकिस्तानको पञ्जाबको फतेह जङ्ग क्षेत्रमा सोमबार बस दुर्घटना हुँदा ११ जनाको मृत्यु भएको छ । अन्य २२ जना घाइते भएका छन्।  

जियो न्युजका अनुसार बहावलपुरबाट इस्लामाबादतर्फ जाँदै गरेको बस एम–१४ मोटरवेमा पल्टिएको हो । दुर्घटनामा परेका पीडितहरू बहावलपुर, वेहारी, शराकपुर र इस्लामाबादका बासिन्दा हुन्।  

तीन महिलासहित छ जनालाई बेनजीर भुट्टो अस्पतालमा उपचारका लागि लगिएको छ भने केही घाइतेलाई इस्लामाबाद र जिल्ला मुख्यालय अस्पतालमा सारिएको छ। ​

मोटरवे प्रहरीले दुर्घटनाको कारण चालकको लापरबाही भएको जनाएको छ। यस घटनाको छानबिनका लागि मोटरवे प्रहरी महानिरीक्षकले आदेश दिएका छन्।  

पाकिस्तानमा पछिल्लो समय बस दुर्घटनाका घटना बारम्बार भइरहेका छन्। गत महिना गिलगिट–बाल्टिस्तानमा बस नदीमा खस्दा १४ जनाको मृत्यु भएको थियो भने अन्य धेरै मानिस घाइते भएका थिए।