सामग्री खोज्नुहोस्

एजेन्सी । भारतका पूर्वप्रधानमन्त्री मनमोहन सिंहको शनिबार दिल्लीको कश्मीरी गेटस्थित निगमबोध घाटमा राजकीय सम्मानका साथ अन्त्येष्टि गरिएको छ ।

उनको अन्त्येष्टि परिवार, साथी भाइ, सहकर्मी र सरकारी विशिष्ट व्यक्तिको उपस्थितिमा भएको थियो ।

उनीप्रति सम्मान व्यक्त गर्न सागर पुगेका राष्ट्रपति द्रौपदी मुर्मू, प्रधानमन्त्री नरेन्द्र मोदी, केन्द्रीय गृहमन्त्री अमित शाह र रक्षामन्त्री राजनाथ सिंहले उहाँको पार्थिव शरीरमा माल्यार्पण गरी श्रद्धाञ्जली अर्पण गरेका थिए ।​

शिख रीतिरिवाजअनुसार सिंहको अन्त्येष्टि गरिएको हो । 

कंग्रेस अध्यक्ष मल्लिकार्जुन खड़गे, सोनिया गान्धी, राहुल गान्धीले पनि आफ्ना पूर्व नेता र पूर्व प्रधानमन्त्रीप्रति श्रद्धाञ्जलीसभा तथा अन्तिम सँस्कारको कार्यक्रममा सहभागी बनेका थिए ।

पूर्वप्रधानमन्त्री सिंहको पार्थिव शरीरलाई शनिबार बिहान उहाँको निवासबाट श्रद्धाञ्जलीका लागि दिल्लीस्थित अल इन्डिया कंग्रेस कमिटी (एआईसीसी)को मुख्यालयमा ल्याइएको थियो ।

दिल्लीस्थित पूर्व प्रधानमन्त्रीको निवास बाहिर पनि श्रद्धाञ्जली अर्पण गर्न कैयौँ मानिस भेला भएका थिए ।