सामग्री खोज्नुहोस्

एजेन्सी । नाइजेरियामा खाना वितरण केन्द्रहरूमा भएका दुई भागदौडमा मृत्यु हुनेको सङ्ख्या ३२ पुगेको छ ।  

दक्षिणी शहर ओकिजामा शनिबार चामल वितरण गर्ने केन्द्र बाहिर लाइनमा बसेका मानिसहरूको भागदौडमा २२ जनाको मृत्यु भएको थियो । यसअघि प्रहरीले घटनामा ‘धेरै’ मानिसको मृत्यु भएको चेतावनी दिएको थियो ।

साथै सोही दिन राजधानी अबुजामा ‘असहाय र वृद्धहरू’लाई खाना वितरण गरिरहेको एक चर्च बाहिर भएको छुट्टै भागदौडमा कम्तीमा १० जनाको मृत्यु भएको थियो ।

अफ्रिकाको सबैभन्दा बढी जनसङ्ख्या भएको देशले नोभेम्बरमा मुद्रास्फीति बढेर ३४.६ प्रतिशत पुगेर एक पुस्ताकै सबैभन्दा खराब आर्थिक सङ्कटको सामना गरिरहेको बेला खाद्य वितरण केन्द्र बाहिर भागदौड भएको छ । ​

ओकिजामा २२ जनाको मृत्यु भएको पुष्टि गर्दै अनाम्ब्रा राज्य प्रहरीका प्रवक्ताले मृतकका परिवार र साथीहरूप्रति समवेदना व्यक्त गरेका छन् ।