सामग्री खोज्नुहोस्

एजेन्सी । श्रीलङ्काको कोलम्बोस्थित राष्ट्रपति सचिवालयमा सोमबार नव गठित मन्त्री परिसद्‌मा समावेश मन्त्रीहरूले राष्ट्रपति अनुराकुमार दिशानायके समक्ष शपथ लिएका छन् ।​

दिशानायकेको उक्त  मन्त्री परिषद्‌मा २१ जना मन्त्रीहरू रहेको  तथा उपमन्त्रीहरूले पछि शपथ लिने कार्यक्रममा घोषणा गरिएको थियो ।​​

दिशानायकले सेप्टेम्बर–२१ को राष्ट्रपति चुनाव जितेपछि हरिनी अमरसुरिया र विजिता हेराथको समायोजनमा मन्त्रिमण्डल निर्माण गर्नु भएको छ । 

नयाँ मन्त्री परिषद्‌मा नोभेम्बर–१४ को संसदीय चुनावमा निर्वाचित नेशनल पिपुल्स पावर (एनपीपी)का १५९ सांसद मध्येबाट नयाँ मन्त्रीहरू चुनिएको जनाइएको छ ।  

श्रीलङ्कामा समानुपाती प्रतिनिधित्व प्रणाली लागू भएपछि संसद्‌मा कुनै राजनीतिक पार्टीले दुईतिहाइ बहुमत प्राप्त गरेको यो पहिलोपटक हो ।

नयाँ मन्त्रिमण्डलमा अमरसूरियालाई प्रधानमन्त्री र हेराथलाई विदेश मामिला, विदेश रोजगार र पर्यटन मन्त्रीको रूपमा पुनः नियुक्त गरिएको छ ।

नयाँ मन्त्रिमण्डललाई सम्बोधन गर्दै राष्ट्रपति दिशानायकले श्रीलङ्काको राजनीतिक र आर्थिक मार्ग परिवर्तन गर्न जनताले सेप्टेम्बर र नोभेम्बरमा लगातार दुईपटक एनपीपीलाई मतदान गरेको उल्लेख गरेका छन् ।