सामग्री खोज्नुहोस्

टोकियो। जापानका लागि नेपाली दुतावास टोकियोले प्रशासनिक सेवा मार्फत लिंदै आएको शुल्क परिवर्तन गरेको छ।

दुतावासले एक सूचना जारी गर्दै विभिन्न सेवा मार्फत लिंदै आएको शुल्क परिवर्तन भएको जनाएको हो।

अहिले सम्म राहदानी नबिकरणका लागि १८ हजार जापानी एन तिर्दै आएका नागरिकले अब देखि २३ हजार जापानी एन तिर्नु पर्नेछ।

त्यसैगरी पहिलो पटक राहदानी बनाउंदा १२ हजार जापानी एन तिर्नुपर्ने भएको छ। यसअघि ९ हजार जापानी एन कायम गरिएको थियो।

त्यसैगरी हराएको वा नासिएको राहदानी गराउदा ४६ हजार जापानी एन तिर्नुपर्नेछ। नाबालकको हकमा भने २३ हजार शुल्क निर्धारण गरिएको दुतावासले जनाएको छ।

त्यसैगरी ट्राभल्स डकुमेन्टको शुल्क पनि ८ हजार कायम गरिएको उक्त सूचनामा उल्लेख गरिएको छ।

जन्म तथा दर्ता प्रमाणपत्रका लागि २५ दिन भित्र गरेमा निशुल्क र त्यसपछि ४ हजार जापानी एन लाग्नेछ। प्रतिलिपिका लागि भने ५ हजार एन शुल्क कायम गरिएको छ।

यो नियम गत १६ तारिख देखिनै कार्यन्वयनमा आइसकेको पनि दुतावासको सूचनामा उल्लेख गरिएको छ।