सामग्री खोज्नुहोस्

​टोकियो । जापानले सन् २०३० को दशकको प्रारम्भमा जैविक इन्धन (बायोफ्युल)मा चल्ने नयाँ यात्रुवाहक कार ल्याउन योजना बनाएको छ।

उद्योग मन्त्रालयले कार निर्माताहरूलाई जैविक इन्धनयुक्त गाडी उत्पादनमा प्रोत्साहित गर्दै, तेल थोक बिक्रेताहरूलाई सन् २०३० सम्म १० प्रतिशत बायोएथेनोल मिश्रित पेट्रोल आपूर्ति शुरू गर्न आग्रह गर्ने उद्देश्य राखेको छ। 

यो पहलले वातावरण संरक्षणलाई प्राथमिकता दिँदै जैविक इन्धनमार्फत कार्बन उत्सर्जनलाई नियन्त्रण गर्न मद्दत पुर्‍याउने विश्वास गरिएको छ।

मकै र उखुबाट उत्पादन हुने बायोएथेनोलले प्रकाश संश्लेषण प्रक्रियामा कार्बन डाइअक्साइड सोस्ने भएकाले यसको प्रयोगले वातावरणमा हुने उत्सर्जन घटाउन सहयोग पुर्‍याउँछ ।

मन्त्रालयले आगामी ग्रीष्म ऋतुसम्ममा अन्तिम कार्य योजना तयार गर्ने र ग्याँस स्टेसनहरूलाई बायोएथेनोल मिश्रित इन्धनको लागि आवश्यक संरचनागत तयारीमा सहयोग गर्ने तयारी गरिरहेको छ।