सामग्री खोज्नुहोस्

एजेन्सी । जर्मनमुलका इरानी नागरिक जमशिद शर्माहदलाई मृत्युदण्ड दिएको विरोधमा आफ्नो भूमिमा रहेका तीन वटा इरानी वाणिज्य दूतावास बन्द गर्ने घोषणा गरेको छ । 

जर्मनीका विदेशमन्त्री एनालेना बेयरबोकले जर्मनमुलका इरानी नागरिकलाई मृत्युदण्ड दिएको विरोधमा इरानी वाणिज्य दूतावास बन्द गर्ने जानकारी दिएका हुन् ।

‘हामीले तेहरानलाई पटक-पटक स्पष्ट रूपमा भनिसकेका छौ जर्मन नागरिकको मृत्युदण्डले गम्भीर परिणाम भोग्नुपर्नेछ’, बेयरबोकले फ्रयाङ्कफर्ट, म्युनिख र ह्याम्बर्गमा रहेका वाणिज्य दूतावासहरू बन्द गर्ने घोषणापछि पत्रकारसँग भने ।​

चान्सलर ओलाफ स्कोल्जले यसलाई ‘हत्या प्रकरण’को संज्ञा दिएका छन् भने यसले दुई देशबीचको कूटनीतिक सम्बन्धमा सङ्कट निम्त्याएको छ । 

विदेश मन्त्रालयका अनुसार वाणिज्य दूतावास बन्दले कुल ३२ कन्सुलर कर्मचारी प्रभावित हुनेछन् ।