सामग्री खोज्नुहोस्

एजेन्सी । अमेरिकी वायुसेनाले यस हप्ता सिरियामा इस्लामिक स्टेट समूह (आईएस)का कम्तीमा ३५ जना सदस्यलाई मारेको बताएको छ ।

यो दुवै देशमा कुनै समयमा ठूलो भूभाग नियन्त्रणमा लिएको ती जिहादीहरूका विरुद्ध अमेरिकी र स्थानीय सेनाले गत महिनामा गरेका कारवाहीहरूको शृङ्खलामा पछिल्लो घटना हो ।

‘यी आक्रमणले सिरियाली मरुभूमिमा आईएसका धेरै स्थानलाई लक्षित गरेका थिए, जसमा आईएसका वरिष्ठ नेताहरू पनि समावेश थिए’, अमेरिकी सेन्ट्रल कमाण्ड (सेन्टकम)ले सामाजिक मिडियामा भनेको छ ।

अक्टोबर २८ मा गरिएका यी आक्रमणमा नागरिक क्षति भएको सङ्केत नभएको सेन्टकमले बताएको छ ।

‘यी हवाई आक्रमणले नागरिकहरूका साथै क्षेत्र र त्यसभन्दा बाहिर अमेरिकी सहयोगी र साझेदारहरूविरुद्ध योजना बनाउने, सङ्गठित गर्ने र आक्रमण गर्ने आईएसको क्षमतामा बाधा पुग्नेछ’, सेन्टकमले भन्यो ।

गत हप्ता अमेरिकी र इराकी सेनाले संयुक्त छापा मार्दा इराकमा आईएसका सर्वोच्च नेतासहित नौ जिहादी मारिएको बताइएको थियो ।

सेन्टकमले अक्टोबर १८ मा इराकी कारबाहीमा समूहका एक वरिष्ठ नेतासहित अन्य तीन जिहादी मारिएको घोषणा गरेको थियो ।