सामग्री खोज्नुहोस्

एजेन्सी । भारतको राजस्थानमा मङ्गलबार एउटा कल्भर्टमा बस क्किँदा कम्तीमा १२ जनाको मृत्यु भएको छ । अन्य ३० जना घाइते भएका छन् ।

घाइते मध्ये केहीको अवस्था गम्भीर रहेको प्रहरीले जनाएको छ ।

राजस्थानको राजधानी जयपुरबाट १४७ किलोमिटर उत्तरपश्चिममा रहेको सिकर जिल्लाको लक्ष्मणगढमा दुर्घटना भएको हो ।

प्रहरीका अनुसार यात्रुले भरिएको निजी बस साला शरबाट नवलगढ जाँदै गर्दा दुर्घटना भएको सिन्ह्वाले जनाएको छ ।

‘आज स्थानीय यात्रु बोकेको निजी बस यहाँ कल्भर्टमा ठोक्किएर दुर्घटनामा परी १२ जनाको ज्यान गएको छ’, वरिष्ठ प्रहरी अधिकारी सत्येन्द्र चौधरीले भने, ‘केही घाइतेहरूलाई जयपुरमा रिफर गरिएको र बाँकीको एसके अस्पताल सीकरमा उपचार भइरहेको छ ।’

दुर्घटना लगत्तै स्थानीयवासीले प्रहरीलाई खबर गरेपछि उद्धार टोली र एम्बुलेन्स घटनास्थलमा पुगेर घाइतेलाई अस्पताल पुर्‍याएका थिए ।