Kyodai News

एजेन्सी । इजरायली हवाई हमलाबाट लेबनानमा ११ जनाको मृत्यु भएको छ ।

सिभिल डिफेन्स र लेबनानी रेडक्रसका स्रोतका अनुसार मृत्यु हुनेमा लेबनानी नागरिक रक्षाका सदस्य छन् ।

दक्षिणी लेबनानको बाराचित शहरमा रहेको ईस्लामिक स्वास्थ्य प्राधिकरणको केन्द्रलाई लक्षित गरी हवाई आक्रमणमा अन्य १७ जना घाइते भएका सिन्ह्वाले जनाएको छ ।

स्रोतका अनुसार पीडितहरूको शव दक्षिणी लेबनानको नाबातिह शहरको अस्पतालमा सारिएको छ ।

साथै, पूर्वी लेबनानको कलिया शहरमा रहेको एउटा घरलाई लक्षित गरी भएको इजरायली हवाई आक्रमणमा एक नागरिकको मृत्यु भएको र तीन जना घाइते भएको लेबनानी रेडक्रसको स्रोतले बताएको छ ।

सेप्टेम्बर २३ देखि इजरायली सेनाले लेबनानमा गहन आक्रमण गरेको छ ।

यसको परिणामस्वरूप कम्तीमा दुई हजार जनाको मृत्यु भएको छ ।