Kyodai News

एजेन्सी । मध्य नाइजेरियाको नाइजर राज्यमा डुङ्गा दुर्घटना हुँदा बेपत्ता भएका करिब एक सय ५० यात्रुलाई उद्धार गरिएको छ ।

करिब तीन सय यात्रु सवार काठको डुङ्गा मंगलबार राति दुर्घटनामा परेको नाइजर राज्य आपत्कालीन व्यवस्थापनका महानिर्देशक अब्दुल्लाही बाबा–अरहले बताए ।

एक सय ५० जनाको सफल उद्धार स्थानीय गोताखोरलगायत स्वयंसेवकहरूको द्रुत प्रतिक्रियाको कारणले भएको सिन्ह्वाले जनाएको छ।

स्थानीय अधिकारीहरूले अझै पनि बेपत्ता मानिसहरूको खोजी र उद्धार कार्यलाई तीव्र पारेका बाबा–अरहले बताए ।

पीडितहरू नाइजर राज्यको अर्को समुदायमा धार्मिक उत्सवबाट फर्कँदै गर्दा दुर्घटना भएको हो । दुर्घटनाको वास्तविक कारणबारे अनुसन्धान भइरहेको बाबा–अरहले बताए ।

नाइजेरियामा डुङ्गा दुर्घटना भइरहन्छन् ।