सामग्री खोज्नुहोस्

नेपाली युवाहरूको समूह ‘ब्लू ब्वाइज युनियन’ले जापानको ओसाकामा रहेको पशुपतिनाथ मन्दिरको मन्दिरको सरसफाइ गरेको छ ।

रेखदेखको अभावमा मन्दिर परिसरमा जम्मा भएको फोहोरको व्यवस्थापन गरिएको युनियनले जनाएको छ ।

उक्त समूहले यसअघि हरितालिका तीजको अवसरमा मन्दिरको आंशिक सरसफाइ गरेको थियो । अहिले बडादशैंको अवसरमा मन्दिरको पूर्ण सरसफाइ गरिएको हो ।

सरसफाइका क्रममा जम्मा भएको एक ट्रकभन्दा बढी फोहोर ओसाका नगरपालिकाको वडा कार्यालयमार्फत व्यवस्थापन गरिएको ​छ ।​

लुम्बिनी शान्ति बगैँचाका रूपमा परिचित पार्क परिसरमा विभिन्न देशका धार्मिक कला कौसल भएका आ-आफ्नै धर्म संस्कृतिका मठ मन्दिर छन् ।

जापानको ओसाकामा विभिन्न पेशा व्यवसायमा कार्यरत नेपाली युवाहरू युनियनमा आबद्ध छन् ।​

नेपालीहरूको बाक्लो उपस्थिति रहेको ओसाकामा हाल करिब १५ हजार नेपालीहरू रहेका छन् ।