सामग्री खोज्नुहोस्

एजेन्सी । श्रीलङ्काको  राष्ट्रपतिमा मार्क्सवादी राजनीतिज्ञ अनुरा कुमारा दिशानायके (एकेडी) निर्वाचित बनेका छन् ।

शनिबार भएको निर्वाचनमा पिपुल्स लिबरेसन फ्रन्टका ५५ वर्षीय नेता एकेडी विजयी बनेका निर्वाचन आयोगले जनाएको छ ।

आयोगका अनुसार उनले ४२ दशमलव ३१ प्रतिशत मत प्राप्त गरेका थिए ।

विपक्षी दलका नेता सजिथ प्रेमदासा ३२ दशमलव ७६ प्रतिशत मत पाएका थिए ।

सन् २०२२ को आर्थिक पतनको चरम अवस्थामा पदभार सम्हालेका र अन्तर्राष्ट्रिय मुद्राकोष (आइएमएफ) बेलआउटको सर्तअनुसार कठोर मितव्ययिता नीतिहरू लागु गरेका निवर्तमान राष्ट्रपति रनिल विक्रामासिङ्घे १७ दशमलव २७ प्रतिशतका साथ तेस्रो स्थानमा रहे । ​

विक्रमासिङ्घेले अहिलेसम्म पराजय स्वीकार गरेका छैनन् तर विदेशमन्त्री अली साब्रीले दिसानायका विजयी भएको स्पष्ट भएको बताए । 

दिसानायकाले सोमबार बिहान कोलम्बोको औपनिवेशिक कालको राष्ट्रपति सचिवालयमा शपथ लिने निर्वाचन आयोगका अधिकारीहरूले बताएका छन् ।