सामग्री खोज्नुहोस्

टोकियो। यहि २२ तारिख आइतवार चिबाको माचुदो सिटीमा हुन गैरहेको नेपाल फेस्टिवलमा सयौं राष्ट्रिय झन्डा एकै साथ फहराइने भएको छ।

गैर आवासीय नेपाली संघ (एनआरएनए) चिवा र माचुदो सिटिको संयुक्त आयोजनामा हुन गैरहेको उक्त फेस्टिवलमा राष्ट्रिय दिवशको अबशरमा सयौं झण्डा एकै साथ फहराउन लागेको आयोजकले जनाएको छ।

‘फेस्टिवल संगै राष्ट्रिय दिवश पनि मनाउने उद्देश्यले राष्ट्रिय झन्डा फहराउन लागिएको हो’ मूल आयोजक समितिका संयोजक राजनबाबु सुबेदीले भने ‘सांझपख स्टेज र दर्शकदृघाबाट एकै साथ नेपालको राष्ट्रिय झन्डा फहराएर राष्ट्रिय दिवश मनाइने छ।’

संस्कार र सस्कृति आदानप्रदान गर्ने मूल उद्देश्यका आयोजना गर्न लागिएको उक्त फेस्टिवलमा विभिन्न झाँकीहरु प्रदर्शन गरिने आयोजकले जनाएको छ।

दुइ दर्जन भन्दा बढी स्टल रहने उक्त फेस्टिवलमा नेपालका विभिन्न पर्यटकिय क्षेत्रहरुबारे जानकारी दिनका लागि पनि स्टलहरु छुट्टाइएको छ।

‘त्यहाँ आउने जापानी नागरिकहरुलाई नेपालका पर्यटकिय क्षेत्रबारे जापानी भाषामै जानकारी गराइने छ’ स्टल ब्यबस्थापन समितिका संयोजक प्रकाश थापा मगरले भने ‘त्यसका लागि पनि छुट्टै स्टलको ब्यबस्था गरिएको हो।’

फेस्टिवललाइ फेस्टिवलमा मात्रै सिमित हुन नदिन फेस्टिवलकै अबशरमा राष्ट्रिय दिवश पनि मनाउन लागिएको आयोजकले जनाएको छ।

‘कल्चर एक्सेञ्च संगै जापानबासी सबै नेपालीलाइ एकताको शुत्रमा बाँध्नका लागि उपस्थित सबैले झन्डा फहराएर राष्ट्रिय दिवश मनाउन लागिएको हो’ गैर आवासीय नेपाली संघ चिबा क्षेत्रीय समितिका संयोजक समिर खड्काले भने ‘यसले विदेशमा रहेका नेपालीहरु पनि राष्ट्रियताको सवालमा गम्भीर छन् भन्ने संदेश जाने अपेक्षा गरेको छु।’

नेपालमा संबिधान जारी भएको दिनलाई राष्ट्रिय दिवशका रुपमा मनाउने गरिएको छ। विदेशमा रहेका नेपाली दुतावासहरुमा पनि राष्ट्रिय दिवशका अबशरमा विभिन्न कार्यक्रमहरु आयोजना गरिएको छ।