सामग्री खोज्नुहोस्

एजेन्सी । सन्दिग्ध ईस्लामिक स्टेट (आइएस)सँग सम्बद्ध एडिएफ विद्रोहीहरूले प्रजातान्त्रिक गणतन्त्र कङ्गोको उत्तरपूर्वी इतुरी प्रान्तमा २० सर्वसाधारणको हत्या गरेको स्थानीय स्रोतहरूले बिहीबार बताएका छन् । 

‘पीडितहरूलाई मङ्गलबार एडिएफले छापा मार्दा एडिएफ र अन्य मिलिसिया समूहहरूको नियमित लक्षित क्षेत्र मम्बासाको बबिला बाबोम्बीमा बन्धक बनाएका थिए’, प्रहरी प्रशासक मतादी मुयापन्डीले भने, ‘१६ पुरुष र चार महिला गरी २० जना मारिएका छन् ।’

उहाँका अनुसार भागेका चार जनालाई अस्पतालमा भर्ना गरिएको छ । 

एडिएफको कार्यप्रणाली अनुसार पीडितहरूको शिरछेदन गरिएको थियो । पछिल्लो तीन दशकमा पूर्वी प्रजातान्त्रिक गणतन्त्र कङ्गोमा उपस्थिति स्थापित गरेका मूल रूपमा मुस्लिम युगान्डाका विद्रोहीहरूले हजारौं नागरिकको हत्या गरेका छन् । ​

हालैका महिनाहरूमा यस्ता प्रकारका धेरै आक्रमण देखिएका छन् । मम्बासाका मानवाधिकार रक्षक र्याम्स मलिकिडिगोले भने, ‘वरपरका गाउँहरूमा भएका धेरै आक्रमणमा पीडितहरूलाई पक्राउ गरिएको थियो र त्यसपछि उनीहरूलाई मार्नका लागि जङ्गलमा जम्मा गरियो ।’

नाम उल्लेख नगर्ने सर्तमा स्थानीय सहायताकर्मीले पीडितहरू सुन खानी, व्यापारी र किसान रहेको बताए ।