सामग्री खोज्नुहोस्

टोकियो । जापानमा आगामी सेप्टेम्बर २७ तारिखमा नयाँ प्रधानमन्त्रीको निर्वाचन हुने भएको  छ ।

सत्तारुढ लिबरल डेमोक्रर्याटिक पार्टीले नयाँ नेता चयनका साथै सेप्टेम्बर २७ मा प्रधानमन्त्री चयन गर्ने जनाएको छ ।

वर्तमान प्रधानमन्त्री फुमियो किशिदाले गत हप्ता आफ्नो सरकारका लागि अनुमोदन मूल्याङ्कनमा आएको परिणामपछि अर्को महिना पदबाट हट्ने निर्णय गरेसँगै सत्तारूढ दलले नयाँ नेता चयन गरी प्रधानमन्त्रीका लागि सिफारिस गर्ने घोषणा गरेको हो ।

लिबरल डेमोक्रर्याटिक पार्टीको अर्को अध्यक्ष बन्ने अभियान सेप्टेम्बर १२ मा  मतदानसहित शुरू हुने आन्तरिक समितिले मङ्गलबार निर्णय गरेको हो ।

सन् २०२१ को अक्टोबरदेखि सत्तासीन रहेका किशिदाले बढ्दो मूल्यलगायतका काण्डपछि भएका समीक्षामा उनीप्रतिको विश्वासमा गिरावट आएको छ। 

यद्यपि किशिदाले सत्तामा रहँदा विदेशी सहयोगीको विश्वास जितेका थिए ।