सामग्री खोज्नुहोस्

एजेन्सी । पाकिस्तानको बलुचिस्तानमा सोमबारको भारी वर्षाका कारण १९ जनाको मृत्यु भएको छ ।

प्रान्तीय विपद् व्यवस्थापन प्राधिकरण (पीडीएमए)ले जनाएअनुसार अन्य ११ जना  घाइते भएका छन् ।​

मनसुनी वर्षाले मानवीय तथा भौतिक क्षति पुर्‍याउँदा तीन हजारभन्दा बढी व्यक्तिहरू प्रभावित भएका डन न्यूजले जनाएको छ ।

राष्ट्रिय विपद् व्यवस्थापन प्राधिकरण (एनडीएमए)का अनुसार जुलाई–१ देखि अगस्ट–१७  सम्म वर्षाजन्य घटनामा १९५ जनाको मृत्यु हुनुका साथै ३६२ जना घाइते भएका छन् ।

यसैगरी, विपद्का कारण दुई हजार २९३ घरहरू क्षतिग्रस्त भएका छन् ।

पीडीएमएका अधिकारी युनस मेङ्गलले हालैको वर्षाले बलुचिस्तान प्रान्तका १६ जिल्लाहरू प्रभावित भएको तथा राहत कार्य जारी रहेको बताएका छन् ।

बलुचिस्तानले जुलाई–१ देखि हालसम्म दुई गम्भीर मनसुन घटनाहरूको सामना गरेको जनाइएको छ ।