सामग्री खोज्नुहोस्

एजेन्सी । भारतको पश्चिम बङ्गालराज्यको कोलकत्तामा एक डाक्टर विद्यार्थीको बलात्कारपछि हत्याको विरोधमा विद्यार्थी र जुनियर चिकित्सकहरूले ‘आरजी कर मेडिकल कलेज एण्ड हस्पिटल’मा प्रदर्शन गरेका छन् ।

चिकित्सकको आन्दोलनको प्रभाव देशका अन्य स्थानहरूमा पनि परेको छ ।

चिकित्सकहरूले तेलङ्गाना, तमिलनाडु, उत्तर प्रदेश र मुम्बईलगायतका देशका धेरै शहरहरूमा विरोध प्रदर्शन गरेका छन् । 

कलकत्ता उच्च न्यायालयको आदेशपछि यो मुद्दा राज्य प्रहरीबाट केन्द्रीय अनुसन्धान ब्यूरोमा स्थानान्तरण गरिएको छ ।

कोलकत्ताको आरजी कर मेडिकल कलेजमा ड्युटीमा रहेका बेला एक स्नातकोत्तर प्रशिक्षार्थी चिकित्सकको बलात्कारपछि हत्या गरिएको विरोधमा विद्यार्थी तथा चिकित्सक आन्दोलित बनेका छन् । चिकित्सा समुदायद्वारा देश व्यापी हडताल र विरोध प्रदर्शन गरिरहेका छन् ।

अगष्ट १४ मा आरजी कर मेडिकल कलेजमा रहेको अस्पताल परिसरमा प्रदर्शन गर्न जम्मा भएको भीडले तोडफोड गरेको थियो । 

अस्पतालको सुरक्षालाई मध्यनजर गर्दै प्रहरीले हवाई फाएर र अश्रु ग्याससमेत प्रयोग गरी भीडलाई तितरवितर पारेको थियो ।