सामग्री खोज्नुहोस्

टोकियो। आगामी महिना हुने प्रधानमन्त्रीको आन्तरिक निर्वाचन(पार्टी भित्रको) मा भाग नलिने र पार्टीको अध्यक्ष चयन भएपछी आफुले प्रधानमन्त्री बाट राजीनामा दिने घोषणा गरेका जापानका प्रधानमन्त्री किसिदा फुमिओले आफुले पार्टीप्रतिको अबिश्वासलाइ नियन्त्रण गर्न नसकेको बताएका छन्।

आगामी कार्यकालका लागि हुने प्रधानमन्त्रीको निर्वाचनमा उमेद्वारी नदिने घोषणा गर्न टोकियोमा आयोजित पत्रकार सम्मेलनमा पार्टी भित्रको एक समुहले अपचलन गरेको राजनीतिक कोष आदीका कारण पार्टी भित्रप्रतिको अविश्वास हटाउन नसकेको उल्लेख गरे।

‘राजनीतिक कोषका बारेमा उठेको समस्यालाइ सही ढंगले समाधान गर्न नसक्दा पार्टीप्रति अविश्वास पैदा भएको थियो’ पत्रकार सम्मेलनमा उनले भने ‘मैले त्यो अविश्वास हटाउने गरी काम गर्नुपर्ने थियो त्यो सकिन, त्यसैले फेरी उमेद्वारी दिने कुरा कठिन हुने निर्णय गरें।’

अब कसलाई प्रधानमन्त्रीमा ल्याउने बिचार छ भन्ने पत्रकारको प्रश्नमा उनले भने ‘अबको प्रधानमन्त्रीमा नयाँ अनुहार आउनुपर्छ।’ जापानमा प्रधानमन्त्रीको उमेद्वार बन्नका लागि सबै भन्दा पहिले पार्टीको अध्यक्ष हुनपर्ने व्यवस्था छ।

वर्तमान प्रधानमन्त्री किसिदा फुमिओले निर्वाचनमा भाग नलिने घोषणा गरेसंगै अब जापानको प्रधानमन्त्री को बन्ला भन्ने आम चासो बढेको छ।